Um makaleit.is

Vefurinn Makaleit.is var opnaður á Valentínusardaginn 14. febrúar 2005. 

Makaleit.is er fyrir fólk sem er alvara með að finna sér lífsförunaut eða félaga og er EKKI vettvangur fyrir gift fólk í leit að viðhaldi.

Frá upphafi hefur verið lagður metnaður í að yfirfara hvern einasta prófíl við skráningu og einnig í hvert sinn sem prófíl er breytt, til þess að koma í veg fyrir misnotkun eða önnur óheilindi á vefsíðunni.  Skráningar sem innihalda óviðeigandi orðbragð eða kynlífslýsingar eru ekki samþykktar. 

Þar sem netið er opinber vettvangur, finnst okkur lágmarks kurteisi að tryggja að börnin okkar rambi ekki inn á efni og lýsingar sem ekki hæfa aldri.

Skráðir notendur geta fljótt fundið einhvern við sitt hæfi. Einstakling sem hefur sömu áhugamál eða á eitthvað sameiginlegt með þeim atriðum sem hægt er að bera saman og leita eftir.

Úr umfjöllun um Makaleit.is í Fréttablaðinu 14. febrúar 2005
"Hann er liðinn tíminn þegar menn freistuðu þess mestmegnis að verða fyrir skotum Amors á skemmtistöðum landsins; oftar en ekki í reykjarsvælu og félagsskap Bakkusar. Asinn í nútímaþjóðfélagi gerir svo mönnum erfiðara um vik að kynnast ástinni við kjötborðið í Hagkaup eða hraðferðinni á bókasafnið. Að því leyti er netið Guðs gjöf, en æ fleiri hafa fundið sálufélaga og varanlega ást á stefnumótavefjum landsins.  Á dögunum opnaði sá nýjasti; Makaleit.is, stefnumótavefur fyrir þá sem er full alvara í leit sinni að ást og hamingju."

Úr umfjöllun um Makaleit.is í Blaðinu 3. júní 2005
"Vefurinn einkamal.is hefur notið mikilla vinsælda, ásamt private.is.  Þessir vefir endurspegla mannlífið að því leyti að þar kennir ýmissa grasa en vissulega er misjafn sauður í mörgu fé.  Nú er kominn nýr vefur inn á þennan markað á Íslandi, sem er öðruvísi að mörgu leyti - www.makaleit.is.  Á makaleit.is eru allar notendaumsóknir síaðar og allt ritskoðað.  Klám og óþverraskapur er einfaldlega ekki liðinn."
 

Makaleit.is er í eigu Netreksturs ehf.

Auglýsingar

Hafir þú áhuga á að auglýsa á vefnum með einum eða öðrum hætti þá getur þú sent fyrirspurn í tölvupósti á makaleit@makaleit.is

Upplýsingar

Rekstur vefsvæðis:
Netrekstur ehf.
PO BOX 5437
125 Reykjavík
Kt.: 550705-0790
VSK-númer 87201
Vefslóð: www.makaleit.is
makaleit@makaleit.is

Fyrirtækið er skráð hjá hlutafélagaskrá.