Notkunarskilmálar

Með skráningu í kerfið samþykkir notandi eftirfarndi notkunarskilmála:

1. IP vistafang notenda eru geymd af öryggisástæðum. Ef upp koma mál vegna misnotkunar á aðgangi á makaleit.is þá er hægt að rekja skráningu til þess einstaklings sem ber ábyrgð á þeirri IP tölu. Þessar upplýsingar eru aðeins gefnar upp gegn úrskurði dómsvalda.
2. Notandi er persónulega ábyrgur fyrir öllu efni sem hann birtir á vefnum og öllum skilaboðum sem hann sendir. Makaleit.is getur ekki undir neinum kringumstæðum borið ábyrgð á orðum og athöfnum notenda.
3. Börnum undir 18 ára aldri er óheimill aðgangur að allri þjónustu makaleit.is.
4. Það er stranglega bannað að bjóða vöru eða þjónustu sem íslensk löggjöf bannar, t.d. vændi, ólögleg vímuefni eða ólöglegt klámefni.
5. Makaleit.is áskilur sér rétt til að grípa inn í vegna kvartana undan stöðugu áreiti eða óþægindum af völdum annarra notenda.
6. Ef upp koma lögreglumál í tengslum við misnotkun vefsins, t.d. vegna brota á friðhelgi einkalífs eða veitingar ólöglegrar vöru eða þjónustu, áskilur Makaleit.is sér fullan rétt til að aðstoða yfirvöld.
7. Myndbirtingar eru val hvers og eins notanda. Myndir verða að vera af notandanum sem sendir hana inn, hún má ekki sýna annað fólk en notandann sjálfan, hún má ekki vera hreyfimynd, nektar- eða klámmynd.
8. Makaleit.is skuldbindur sig til að gefa ekki netföng til þriðja aðila og skoða ekki nein samskipti milli notenda, nema dómsúrskurður eða fullt samþykki viðtakanda liggi fyrir.
9. Með því að skrá sig sem notanda í kerfið lýsir notandi því yfir að hann sé 18 ára eða eldri og samþykkir að hlíta notkunarskilmálunum.